Asosiy matnga o'tish

Tireotrop gormon (TTG)

Ruscha nomi: Тиреотропный гормон ТТГ

Biomaterial
Venoz qon
Qayerda topshirish mumkin
Klinikada — Jizzax, M. Ulug'bek ko'chasi, 8
Uyda — hamshira chaqirib

Qoralama: matn laboratoriya mudiri tomonidan tekshirilmoqda. Bu yozuv faqat sinov saytida ko'rinadi.

Bu qanday tahlil

Tireotrop gormon (TTG, TSH) bosh miyadagi gipofiz bezida ishlab chiqariladi va qalqonsimon bezga qancha gormon ishlab chiqarishni "buyuradi". Qalqonsimon bez gormonlari kamaysa, gipofiz TTGni ko'paytiradi; gormonlar ko'payib ketsa, TTG kamayadi. Shu bog'liqlik tufayli TTG qalqonsimon bez faoliyatini tekshirishda odatda birinchi buyuriladigan tahlil hisoblanadi.

Qachon buyuriladi

  • Qalqonsimon bez faoliyatini skrining qilishda
  • Holsizlik, sovuqqa chidamsizlik, vazn ortishi, quruq teri (faoliyat pasayishiga shubha)
  • Yurak tez urishi, terlash, ozib ketish, qo'l titrashi (faoliyat oshishiga shubha)
  • Bo'yin sohasida qalqonsimon bez kattalashishida (buqoq)
  • Homiladorlikni rejalashtirishda va homiladorlikda
  • Qalqonsimon bez gormonlari bilan davolanishni nazorat qilishda

Tayyorgarlik

Maxsus tayyorgarlik talab qilinmaydi; tahlilni ertalab topshirish tavsiya etiladi, chunki TTG darajasi kun davomida o'zgaradi. Biotin (B7 vitamini) yoki uni saqlovchi vitamin komplekslarini ichayotgan bo'lsangiz, shifokorga ayting — u natijaga ta'sir qilishi mumkin. Qalqonsimon bez dorilarini shifokor bilan kelishmasdan to'xtatmang.

Natija nimani ko'rsatadi

TTG yuqori bo'lsa, ko'pincha qalqonsimon bez gormonlari yetishmasligini (gipotireoz) bildiradi — gipofiz bezni "ko'proq ishlashga undaydi". TTG past bo'lsa, ko'pincha gormonlar ortiqchaligini (gipertireoz) bildiradi. Aniq xulosa uchun TTG odatda erkin T4 (ba'zan erkin T3 va anti-TPO) bilan birga baholanadi. Homiladorlik, ayrim dorilar va og'ir kasalliklar natijaga ta'sir qilishi mumkin.

Me'yoriy qiymatlar natija blankasida ko'rsatiladi — ular laboratoriyamiz uskunasi va usuliga mos.

Natija

Natija tayyor bo'lgach, @doctor_akmal_bot orqali PDF ko'rinishida olasiz (chekdagi ID va parol bilan).

@doctor_akmal_bot

Odatda birga topshiriladi

Natijani shifokor bilan birga baholang. Sayt ma'lumoti tashxis o'rnini bosmaydi.

Manbalar

Matn Doctor A tomonidan quyidagi ochiq tibbiy manbalar asosida tayyorlangan.

  1. TSH (Thyroid-stimulating hormone) Test — MedlinePlus (NIH)
  2. TSH test — MedlinePlus Medical Encyclopedia (NIH)
  3. Thyroid function tests — MedlinePlus Medical Encyclopedia (NIH)

Shu bo'limdagi boshqa tahlillar